රජය මඟින් ආරම්භ කළ කොවිඩ් 19 වසංගතය වැළැක්වීමේ අරමුදලට රුපියල් ලක්ෂ 50ක් පරිත්‍යාග කිරීමට සියම් මහා නිකායේ අස්ගිරි සංඝ සභාව කටයුතු කර තිබේ.

රටතුළ පවතින ආපදා තත්වය සැලකිල්ලට ගනිමින් ජනතාව ඉන් මුදවාගැනීමට රජයට සහය වීම සම්බන්ධයෙන් අස්ගිරි කාරක සංඝ සභාව සාකච්ඡා කල බවත් ඒ අනුව මෙම මුදල් පරිත්‍යාගය සිදුකරන බවත් අස්ගිරි පාර්ශවයේ අනුනායක ආණමඩුවේ ධම්මදස්සී හිමියෝ පැවසුහ.

කොවිඩ් 19 වසංගතය පැරදවීමට රජය ගෙනයන වැඩපිළිවෙළ පිළිබඳව සතුටු වන බවත් මේ අවස්ථාවේදී කැපවි කටයුතු කරන සෞඛ්‍ය අංශය සහ ආරක්ෂක අංශය වෙත අස්ගිරි පාර්ශවයේ මහනායක හිමි ඇතුළු කාරක සංඝ සභාවේ ප්‍රණාමය පුදකරන බවද උන්වහන්සේ ප්‍රකාශ කළේය.