බහු ජාතික සමාගම් සහ විදේශීය සමාගම් COVID-19 වෛරසය පැතිරීම පටන් ගැනීමත් සමඟම දේශීය කිරි ගොවියාගෙන් කිරි එකතු කිරීම අඩපණ කළ අතර එකතු කරනු ලැබූ කිරි ප්‍රමාණය පවා සකස් කිරීමෙන් තොරවම පැලවත්ත කිරි සමාගමට විකුනා දමනු ලැබීය. කෙසේ වුවද පැලවත්ත කිරි සමාගම සහ මිල්කෝ සමාගම දේශීය කිරි ගොවියාගේ කිරි පෙර පරිදිම මිළදී ගැනීම කරණු ලැබීය.

මේ වන විට පැලවත්ත සමාගමේ නිෂ්පාදන ඇඳිරි නීතිය බලාත්මක කාල සීමාවේ පවා පාරිභෝගිකයාගේ දොරකඩටම සිය නිෂ්පාදන ගෙනැවිත් දීමේ වැඩ පිළිවෙලක් ආරම්භ කර ඇත. ඒ අනුව කොළඹ,කළුතර සහ ගම්පහ දිස්ත්‍රික්ක වලට ඔවුන්ගේ සේවය විවෘතව පවතී.

පැකේජයන් හතරක් යටතේ ක්‍රියාත්මක වන එම සේවය 0710215162 යන දුරකථන අංකයට වට්ස් ඇප් තාක්ෂණය ඔස්සේ ඇණවුම් කිරීමෙන් ලබා ගත හැක. පළමු පැකේජය රුපියල් 5000.00ක් වන අතර එයට කිලෝ ග්‍රෑම් 1 කිරි පිටි පැකට් 3ක්, බටර්(ලුනු සහිත ) ග්‍රෑම් 200 බඳුන් 2ක්,යෝගට් ග්‍රෑම් 80 කෝප්ප 36ක් සහ අයිස් ක්‍රීම් ලීටර් 1 බඳුන් 1ක් අඩංගු වේ.

දෙවන පැකේජය රුපියල් 2500.00ක් වන අතර එයට ග්‍රෑම් 400 කිරි පිටි පැකට් 4ක්, බටර්(ලුනු සහිත ) ග්‍රෑම් 200 බඳුන් 1ක්,යෝගට් ග්‍රෑම් 80 කෝප්ප 20ක් අඩංගුවේ.තෙවන පැකේජය රුපියල් 1900ක් වන අතර  එයට කිලෝ ග්‍රෑම් 1 කිරි පිටි පැකට් 1ක්, බටර්(ලුනු සහිත ) ග්‍රෑම් 200 බඳුන් 1ක් සහ යෝගට් ග්‍රෑම් 80 කෝප්ප 18ක් අඩංගු වේ. හතරවන පැකේජය රුපියල් 1500.00ක් වන අතර එයට  ග්‍රෑම් 400 කිරි පිටි පැකට් 2ක්, බටර්(ලුනු සහිත ) ග්‍රෑම් 200 බඳුන් 1ක්,යෝගට් ග්‍රෑම් 80 කෝප්ප 10ක් අඩංගුවේ.