ඇඳිරි නීතිය ඉවත් කළද හෙට (30) බණ්ඩාරවෙල නගරය මුල්මනින්ම වසා දැමීමට බණ්ඩාරවෙල කොරෝනා මැඩලීමේ මෙහෙයුම් කමිටුව තීරණය කළේ යයි බණ්ඩාරවෙල මහ නගර සභාවේ නගරාධිපති ජනක නිශාන්ත රත්නායක මහතා අද (29) පැවසීය.

බණ්ඩාරවෙල මහ නගර සභාව , බණ්ඩාරවෙල පොලීසිය හා බණ්ඩාරවෙල ප‍්‍රාදේශීය ලේකම් කාරයාලය එක්ව අද (29) බණ්ඩාරවෙල ප‍්‍රාදේශීය ලේකම් කාරයාලයේ පැවති සාකච්ඡාවකදී මෙම තීරණය ගෙන තිබේ.

බණ්ඩාරවෙල නගරයේ සංචාරක හෝටලයක සේවයේ යෙදී සිටි පුද්ගලයෙකු කොරෝනා රෝගයට ගොදුරුවීමෙන් මේ වන විට කොළඹ අයි.ඞී.එච්.රෝහලේ ප‍්‍රතිකාර ලබන බවත් එම පුද්ගලයා කොරෝනා රෝගයට ගොදුරුවී ඇති බව හදුනා ගැනීමෙන් පසු දින දහහතරක කාලය අපේ‍්‍රල් මස 04 වන දිනෙන් අවසන් වන හෙයින් එම කාලය තුළ ප‍්‍රදේශයේ ජනතාව නගරයට පැමිණීම වැලක්වීම සදහා මෙම තීරණය ගත් බවත් බණ්ඩාරවෙල මහ නගර සභාවේ නගරාධිපති ජනක නිශාන්ත රත්නායක මහතා පැවසීය.