අමෙරිකා එක්සත් ජනපදය තුළ දෛනිකව වාර්තා වන COVID-19 වෛරසය ආසාදනයෙන් වන මරණ සංඛ්‍යාව දිනපතා ඉහළ යන තත්වයක් තුළ රෝහල් සහ මිනී කාමර මළ මිනී වලින් පිරී ඉතිරී යමින් පවතී. මේ තත්වය තුළ පෙන්ටගනය මිනී ඔතන මලු ලක්ෂයක් සපයා ගැනීම වෙනුවෙන් ආධාර උපකාර කරන ලෙස ඉල්ලා සිටියි.

ආරක්ෂක දෙපාර්තමේන්තුව මීට ප්‍රථම යුද්දයේදී මියයන සෙබළුන්ගේ මළ මිනී අසුරන මලු පනස්දාහක් හදිසි අවස්ථා කළමනාකරණ ෆෙඩරල් ඒජන්සියට(  Federal Emergency Management Agency -FEMA ) සපයා තිබුනද එම ආයාතනයට එවැනි මලු තව තවත් අවශ්‍යය බව පවස තිබුණි. මේ සම්බන්ධයෙන් පෙන්ටගනය මාධ්‍ය ආයාතන කිහිපයක්ම දැනුවත් කර තිබුණි.

අමෙරිකානු රජය ඊයේ දිනයේදි COVID-19 වෛරසය ආසාදනයෙන් මරණ 884ක් බදාදා(01 ) දිනයේ දී වාර්තා වීමත් අමෙරිකානු එක්සත් ජනපද ප්‍රාන්ත 50 තුළම නව රෝගීන් 25000ක් වාර්තාවීමත් නිසා හදිසි අවස්ථා කළමනාකරණ ෆෙඩරල් ඒජන්සිය මෙසේ මධ්‍යම රජයට ඉල්ලීම් කළ බව මාධ්‍යය වාර්තා පවසා සිටී. ජෝන්ස් හොප්කින්ස් විශ්ව විද්‍යාලයේ නවතම වාර්තාවන්ට අනුව අමෙරිකාව තුළ COVID-19 වෛරසය ආසාදිතයින් 215000ක් ඇතැයි පැවසේ.