ජනාධිපතිතුමාගේ උපදෙස් පරිදි මහබැංකුව විසින් තැන්පතු සහ ණය පොලී අනුපාත පිළිවෙලින් 6% සහ 7% දක්වා පහළ දැමීම පිළිබඳව අප විසින් ජාතික සංවිධාන වල මතය විමසන ලදී. මේ වෛද්‍ය වසන්ත බණ්ඩාර මහතාගේ අදහස් ඔහුගේ වචන වලින් –

” යම් රටක බැංකු හෝ මූල්‍ය ආයතන එරටේ වැඩිම ලාභ උපයන ආයතන 20ට අයත් වනවා නම් ඒ රටේ ආයෝජකයින්ට කිසි දවසක ගොඩ එන්න බැහැ. අපේ රටේ පළමු 10ට බැංකු අයත් වෙනවා. මේ සහනයත් අද ආයෝජකයින්ට ලබා නොදී විවිධ ක්‍රමවේද හරහා මූල්‍ය ආයතන කට්ටි පනින බවට කිසිඳු සැකයක් නැහැ. රටේ ආර්ථික අවපාතයකදී බැංකු පවලට පමණක් තම ඉලක්ක ගත ලාභාංශ පවත්වා ගැනීමට ඉඩ නොදිය යුතුය. ඔවුන්ට සංචිත ප්‍රතිහතය අඩු කිරීමේ සිට බොහා් ප්‍රතිලාභ දුන්නත් ඒවා මහජනයාට ලැබී නැහැ. දැන් ඔවුන් තම අතිරික්ත ප්‍රාග්ධනයෙන් කොටසක් සහන ලෙස ආර්ථිකයට මුදා හැරීමට මීට වඩා බලකිරීමක් කළ යුතුයි. “