පසුගිය දිනවල කොරෝනා රෝගයට ශක්තිමත්ව මුහුණ දීම සඳහා ශරීරයේ ප්‍රතිශක්තිය වැඩි කිරීම සඳහා දුම් ඇල්ලිය යුතු බවට ප්‍රබල මතයක් ජනමාධ්‍ය මඟින් ඉදිිපත් විය.

ඒ අනුව දුම අල්ලන්නේ ඖෂධ දහනය කිරීමෙන් දැයි මහජනයා අප වෙත ප්‍රශ්ණ ඉදිරිපත් කරමින් ඇත. ඒ අනුව එම ගැටළුව නිරාකරණය කර ගැනීම සඳහා අප විසින් ආයුර්වේද වෛද්‍ය නිලධාරීන්ගේ සංගමයේ සභාපති වෛද්‍ය නිමල් කරුණාසිරි මහතාගෙන් විමසන ලදී.

මේ ඔහු දුන් පිළිතුරය. ” හෙළ වෙදකමේ දුම් ඇල්ලීමක් කියලා එකක් නැහැ. ඒකෙන් අදහස් කරන්නේ හුමාලය නැතිනම් වේදුව හෙවත් ස්වේදය ඇල්ලීමය. හෙළවෙදකමේ දී බහුලව පැතිරෙන රෝග වලට පොදු ප්‍රතිකර්ම යෝජනා කිරීමේදී මහජනයාට සොයාගත හැකි ඖෂධ පැහැදිළිව නම් කරලා කියනවා මිසක් වෙළඳ නමකින් පැකට්ටුවක් හෝ මුට්ටියක් ගන්න කියලා කියන්නේ නැහැ. ”