කොරෝනා වෛරසය මැඩපැවැත්වීම සඳහා විවිධ ඖෂධ අත්හදාබැලීම් මේ වන විට ලොව පුරා සිදුවෙමින් පවතී. මෙම වෛරසය ආසාදනය වීමෙන් ආරක්ෂාවීමට එන්නතක් නිපදවීම කෙරෙහි රුසියාවේ අවධානය යොමු වී ඇත.

ඒ සඳහා දැනටම පරීක්ෂණ කටයුතු අරඹා ඇති අතර, වසරක් පමණ ගත වන විට එන්නතක් නිපදවිය හැකි බව st. petersburg polytechnic විශ්ව විද්‍යාලයේ, අණුක වෛරස් හා ඔන්කොලොජි ක්ෂේත්‍රයේ අංශ ප්‍රධානී මහාචාර්ය Andrei Kozlov පසුගියදා මාධ්‍ය වෙත ප්‍රකාශ කර ඇත.

ජාන ඉංජිනේරු තාක්ෂණය මගින් වෛරසයට අදාල ජාන ඇතුළත් කර DNA එන්නත නිපදවනු ලබයි. සාමාන්‍යය එන්නතක මෙන් අතුරු ආබාධ නොමැතිවීමත්, පුළුල් පරාසයක ප්‍රතිශක්තිය වර්ධනය කිරීමට හැකිවීමත් මෙහි ප්‍රධාන වාසි අතර වෙයි. එම නිසා මෙම DNA එන්නත ඉදිරියේදී ප්‍රතිශක්තිය අඩු පුද්ගලයන් සඳහාද යොදාගත හැකි වනු ඇත.

මූලාශ්‍ර
news.mail.ru