ඉන්දියාව, ශ්‍රී ලංකාව ඇතුළු දකුණු ආසියාකරයේ රටවලින්, මේ වසරේදී වසර 40 කින් දරුණුතම ආර්ථික අවපාතය අපේක්ෂා කරන බව ලෝක බැංකුව පවසනවා.

එමඟිින් නිකුත් කරනු ලැබූ නවතම ආර්ථික අනාවැකියේ දැක්වෙන්නේ 2020 වසර තුළ දකුණු ආසියානු කලාපයේ සියයට 1.8ත් සියයට 2.8ත් අතර ආර්ථික වර්ධනයක් හිමිකරගනු ඇත බවයි.

එහෙත් මිට මාස හයකට පෙර කලාපයෙන් සියයට 6.3 ක ආර්ථික වර්ධනයක් අපේක්ෂා කෙරුණා.

කොරෝනා වෛරස් ගෝලීය වසංගතය හේතුවෙන් වැඩිම ආර්ථික අපගමනයක් ඉන්දියාවෙන් අපේක්ෂා කරන අතර, ශ්‍රී ලංකාව, නේපාලය, භූතානය සහ බංගලාදේශයේ ආර්ථික වර්ධනයද කැපී පෙනෙන ලෙස පහත වැටෙනු ඇති බවයි ලෝක බැංකුව පෙන්වා දෙන්නේ.

එමෙන්ම දකුණු ආසියාවේ අනෙකුත් රටවල් වන පාකිස්ථානය, ඇෆ්ගනිස්ථානය සහ මාලදිවයින දරුණු ආර්ථික අර්බුධයකට ලක්වනු ඇති බව එමඟින් නිකුත් කළ වාර්තාවේ සඳහන් වෙයි.