ජර්මනියේ නිෂ්පාදිත PCR පරීක්ෂණ කට්ටල 15,000ක් අද(13) දිනයේ ලන්ඩනයේ සිට පැමිණි ශ්‍රී ලංකන් UL 504 ගුවන් යානයෙන් කටුනායක ගුවන් තොටුපලින් ගොඩබැ බව වගකීමෙන් ප්‍රකාශ කරමි. මිට අමතරව චීනයෙන් ලැබුන PCR පරීක්ෂණ කට්ටල ප්‍රමාණයක්ද ඇත. ඒ අතරම පරීක්ෂණ සදහා නාසය හරහා ස්ලේෂ්මල ලබාගන්න swab ප්‍රමාණයක්ද හෙට(14) උදය වරුවේ ලංකාවට ලගාවනු ඇත. මිට අමතරව මේ වන විට මෙම swab SLINTEC ආයතනයෙන් නිෂ්පාදනය කරමින් පවතී.

ඒ අතරම ඊයේ පමණක් අනුරාධපුර රෝහලට ස්ලේෂ්මල සාම්පල 300කට වඩා පරික්ෂා කිරීමට ලැබී ඇති අතර ජයවර්ධන විශ්වවිද්‍යාලයේ පරීක්ෂණ 150 කට වඩා කර ඇත. නිරෝධන කදවුරු තුල පමණක් පරික්ෂන 600 කට වැඩ කර ඇති අතර රෝගය වැලදී ඇති සැකකරන අය අවට ජිවත්වන අයගේද පරීක්ෂණ කිරීම පුළුල් කර ඇත.

මෙවන් තාක්ෂණික කරුණු අනවශ්‍ය ප්‍රමාණයට වඩා කතා කිරීම ගෝචර නොවන නමුදු ජනතාව අතර වැරදි තොරතුරු ප්‍රචාරය වීම දැනුවත්ව හෝ නොදැනුවත්ව සිදුවෙමින් පවතින බැවින් මා ඉතා හොදින් දන්නා සත්‍ය තොරතුරු බෙදාගැනීම මගේ යුතුකමක් සේ දැඩිලෙස විශ්වාස කරමි.

ජනතාවගේ චිත්ත ධෛර්ය පදනම් විරහිත ලෙස බිදවැටීම අතිශයින් අවැඩ දායකය. ‍සෛෟඛය ශේත්‍රය හා ආරක්ෂක සේනාංක ඒකාබද්දව කරගෙන යනු ලබන සාධනීය වැඩ පිළිවෙල ගැන විශ්වාසය තබාගන්න ලෙසත් වසංගත රෝග අංශයේ සිටිනා එම විෂය පිළිබද විශේෂඥ දැනුම ප්‍රගුණ කල වගකීම් නිධාරීන් පිලිබද විශ්වසයෙන් කටයුතු කරන ලෙසද ඉල්ලා සිටිමි. ඒ අතරම තමන්ගේ පරම වගකීම තමනට හෝ පවුලේ කෙනෙකුට සැක සහිත රෝග ලක්ෂණ මතු වුවහොත් ප්‍රතිකාර ගැනීමෙන් වැලකි සිටීමට ඉඩ නොදෙන ලෙසයි. කොරෝන වැළදෙන ඇති බහුතරයක් 96% කට වඩා සුවකළ හැක. ප්‍රමාද වී පසුතැවිලි නොවන්න

මහාචාර්ය අතුල සුමතිපාල