සහල් කර්මාන්ත කරුවන් නියෝජනය කරමින් ලංකා ලීඩ් වෙත අදහස් දැක්වූ ” හෙල්ති ෆ්ලා ” සහල් පිටි කර්මාන්ත ශාලාවේ අධිපති අරුණ බණ්ඩාර මහතා සඳහන් කරන්නේ වි ගොවියාට සහතික මිල ගෙවිය හැකි සහ කුඩා සහ මධ්‍යම පරිමාන සහල් කර්මාන්තයට පැවතිය හැකි සාධාරණ ලාභයක් ලබා ගත හැකි ආකාරය සහල් මිල තීරණය නොකිරීම නිසා අනාගතයේදී වී මිල පහත වැටීමට අමතරව කුඩා සහ මධ්‍යම පරිමාන සහල් කර්මාන්ත පද්ධතිය කඩා වැටීමට ලක් වන බවය.

පවතින මිල අනුව මහා පරිමාන මෝල් වලට පමණක් පැවතිය හැක්කේ රු.125ට විකිණිය හැකි කීරි සම්බා වී තොග විශාල වශයෙන් ඔවුන් සතු වීම නිසා බවද සඳහන් කරන ඒ මහතා පාරිභෝගිකයාටද සාධාරණය ඉටුවන ලෙස මිල මට්ටම් වහාම නැවත වෙනස් කළ යුතු බවද අවධාරණය කරයි. ඒ අනුව කැකුළු රු.95ට, නාඩු සම්බා 100ට සම්බා 105ට සහ කිරි සම්බා 110ට මිල කළහොත් සියළු පාර්ශව වලට සාධාරණය ඉටු වේ.