කොළඹ, ගම්පහ, කළුතර, පුත්තලම, මහනුවර සහ යාපනය යන දිස්ත්‍රික්කවලට හැර සෙසු දිස්ත්‍රික්ක සඳහා පනවා ඇති ඇඳිරි නීතිය හෙට (16) උදෑසන 6.00ට ඉවත් කෙරෙයි.

එම ප්‍රදේශවලට හෙට සවස 4.00ට යළි ඇඳිරි නිතිය  පනවන බවයි ජනාධිපති මාධ්‍ය අංශය සඳහන් කළේ.

ඇඳිරි නීතිය ඉවත් කළ කාලය තුළ භාණ්ඩ මිල දී ගැනීමේදී සෞඛ්‍ය උපදෙස් පිළීපදින ලෙස රජය ජනතාවට අවධාරණය කර සිටියි.

නිවසින් පිටත ගමන් කිරිමේදී මුව ආවරණ පලදින ලෙස සෞඛ්‍ය අංශ උපදෙස් ලබා දී ඇත.

අවදානම් ප්‍රදේශ ලෙස නම් කර ඇති දිස්ත්‍රික්ක වලට ඇඳිරිනීතිය තවදුරටත් බලපැවැත්වෙයි.

මේ අතර අද උදෑසන 06.00 සිට මධ්‍යහන 12.00 දක්වා කාලය තුළ ඇඳිරි නීතිය උල්ලංඝණය කල පුද්ගලයින් 282 දෙනෙකු අත්අඩංගුවට ගෙන තිබේ.

එම කාලය තුළ රථ වාහන 89ක් සිය භාරයට ගත් බවයි පොලිසිය පැවසුවේ.