ඉන්දියාවේ ක්‍රියාත්මක අමෙරිකානු රජයේ සෘජු මැදිහත් වීම යටතේ කටයුතු කරන ලබන ජාත්‍යන්තර ආගමික නිදහස පිළිබඳවූ අමෙරිකානු කොමිසම( US Commission for International Religious Freedom – USCIRF) ඉන්දීය සෞඛ්‍ය අංශ ඉස්ලාම් භක්තිකයන් හට වෙනස් කොට සලකමින් ඉන්දියානු රෝහල් තුළ කටයුතු කරන බවට චෝදනා කරයි.

ඔවුන් ඉන්දියානු රජයට සෘජුවම චෝදනා කරමින් පවසන්නේ රෝහල් තුළදි COVID-19 වෛරසය ආසාදනයට ලක්ව ඇති ඉන්දීය ඉස්ලාම් භක්තිකයා ගර්හාවට ලක් කරන බවයි. මේ සම්බ්න්ධයෙන් ප්‍රකාශයක් නිකුත් කරන ඉන්දීය විදේශ සේවා අමාත්‍යාංශයේ ප්‍රකාශකයෙකු වන අනුරාග් ශ්‍රීවස්ට්‍රාවා මහතා, ජාත්‍යන්තර ආගමික නිදහස පිළිබඳවූ අමෙරිකානු කොමිසමට පවසා සිටියේ COVID-19 වෛරසය ආසාදනය වූවන් සුවපත් කරමින් සිටින ඉන්දීය සෞඛ්‍යය අංශ අපහසුතාවයට ලක් කරන අන්දමේ ප්‍රකාශ නිකුත් කිරීමෙන් වලකින ලෙසයි.

තවද  ජාත්‍යන්තර ආගමික නිදහස පිළිබඳවූ අමෙරිකානු කොමිසම නිකුත් කර ඇති වාර්තාවෙන් සෘජුවම චෝදනාවට ලක්වන ගුජරාට ප්‍රාන්ත ආන්ඩුවේ ප්‍රකාශයක් උපුටා දක්වමින් අනුරාග් මහතා ප්‍රකාශ කරන්නේ ගුජරාට් ප්‍රාන්තයේ  කිසිම සිවිල් රෝහලක  වෛරසය ආසාදනය වු කුමන හෝ ආගමක් අදහන්නෙකු  කිසිදු ආකාරයකින් ගර්හාවට ලක්වන ක්‍රියාමාර්ග ගෙන නැති බවයි.

ඒ අනුව ඉන්දියාව COVID-19 වෛරසය මර්ධනයේදී ගන්නා ක්‍රියාමාර්ග වලට කිසිදු ආකාරයක ආගමික හෝ වාර්ගික මුහුණුවරක් ලබාදීමට කටයුතු නොකිරීමට  වග බලාගන්නා ලෙස  ජාත්‍යන්තර ආගමික නිදහස පිළිබඳවූ අමෙරිකානු කොමිසම වෙත දැඩිව අවධාරණය කරන බවද අනුරාග් මහතා ප්‍රකාශ කර සිටී.

(අමෙරිකානු රාජ්‍ය නොවන සංවිධානවල හැසිරීම සම්බන්ධව ලියන ලද ලිපිය ” COVID-19 සාර්ථකව මර්ධනය කරමින් සිටින ඉන්දියාවට අමෙරිකාවෙන් බාධා! මී ළඟ බිල්ල ලංකාවද ? ” ලෙස පුරවැසි කොලමේ පළවේ. පහතින් පිවිසෙන්න.)

COVID-19 සාර්ථකව මර්ධනය කරමින් සිටින ඉන්දියාවට අමෙරිකාවෙන් බාධා! මී ළඟ බිල්ල ලංකාවද ?