අධි අවදානම් කලාප (Contaminated Zone), ආරක්ෂිත කලාප (Buffer Zone) සහ අවදානම් රහිත කලාප (Sterile Zone) ලෙස කලාප තුනකට බෙදා කටයුතු කිරීමේ ඇති වැදගත්කම සහ පවතින තත්වයන් සැලකිල්ලට ගනිමින් සමාජ දුරස්ථකරණය අරමුණු කරගනිමින් පනවා ඇති සීමාවන් ක්‍රම ක්‍රමයෙන් ඉවත් කිරීම අරමුණු කරගත් ක්‍රියාකාරී උපක්‍රමික වැඩපිළිවෙළක් අප්‍රේල් 04 වැනි දින ජනාධිපතිතුමා ඇතුළු බලධාරීන් වෙත ඉදිරිපත් කළ බව එම සංගමයේ ලේකම් වෛද්‍ය හරිත අලත්ගේ සඳහන් කරයි.

තම සංගමය ඉදිරිපත් කළ ප්‍රවේශය අනුව රට නැවත අදියරෙන් අදියරට විවෘත කිරීම සඳහා මෙි මොහොතේ සිදු විය යුතු ප්‍රධාන කාර්ය, රෝගින් හඳුනා ගැනීමේ පහරීක්ෂණ පහසුකම් පුළුල් කිරීම බව පෙන්වාදෙන වෛද්‍ය හරිත අලුත්ගේ, පරීක්ෂණ පුළුල් කරන ලෙස තම සංගමය විසින් ඉකුත් මාර්තු 31 වැනිදා දැඩි ලෙස අවධාරණය කළ බවද සඳහන් කරයි.