මෑත දිනවල දී හඳුනා ගනු ලැබූ කොරෝනා ආසාදිතයන් බහුතරයක් කලින් කරන ආසාදනය වූ පුද්ගලයන්ගේ ආශ්‍රිතයන් බව ප්‍රධාන වසංගත රෝග විශේෂඥ වෛද්‍ය සුදත් සමරවීර මහතා සඳහන් කරයි.

නමුත් මෙහි ඇති අනතුරුදායක කාරණය වන්නේ කොළඹ ප්‍රදේශයෙන් සොයාගත් ආශ්‍රිතයන් බොහෝ ප්‍රමාණයකට මෙම රෝගය ආසාදනය වී තිබීම යැයි ද පැවසීය.

එමෙන්ම එම ආසාදිතයන්ගේ වටපිටාව සොයා බැලීමේදී ඔවුන් අධික ලෙස ගමන් බිමන් යන තවත් පිරිස් සමග මිශ්‍ර වන පුද්ගලයන් බව ද ඔහු සදහන් කළේය.

එනිසා තවත් කොපමණ ප්‍රමාණයකට වෛරසය ආසන්න වී ඇත්දැයි කිව නොහැකි බවද ඔහු පැවසීය.

කෙසේ නමුත් සියළුම රෝගීන් හඳුනා ගැනීම සඳහා දිගින් දිගටම පරීක්ෂණ කරමින් සිටින බවද ඔහු තව දුරටත් කියා සිටියේය.