1983 දී ආරම්භ කෙරුණු නිව්යෝක් වාණිජ්‍යය වෙළෙඳ පොළ ( New York Mercantile Exchange -NYMEX ) සිය 37 වසරක ඉතිහාසය තුළ  බොර තෙල් බැරලයක අගය සෘන අගයක් වාර්තා කළ ප්‍රථම අවස්ථාව මෙය වේ. සමස්ථ අමෙරිකානු ආර්ථිකයේ සිදුව තිබෙන කඩා වැටීම හමුවේ අමෙරිකානු බොර තෙල් වෙළෙඳ පොලේ සිදුවූ මෙම කඩා වැටීම 1930 දශකයේ ඇතිවූ මහා ආර්ථික අවපාතයෙන් පසුව අමෙරිකානු බොරතෙල් වෙළඳ පොළේ සිදුවන දැවැන්තම කඩා වැටීම බවට පත්ව තිබේ.

සමස්ත ලෝකයේම බොරතෙල් ගබඩා පිරී ඉතිරී යමින් තිබෙන අතර මේ වනවිට ඔපෙක්+ සංවිධානය දිනකට බොරතෙල් බැරල් මිලියන 9.7කින් සිය නිෂ්පාදන ධාරිතාවය අඩු කිරීමට පියවර ගෙන ඇත. කෙසේ වුවද අමෙරිකාවේ බලශක්ති දෙපාර්තමේන්තුව තව දුරටත් බොර තෙල් මිළ පහළ යාම වැලැක්වීම පිණිස දේශීය බොරතෙල් නිෂ්පාදන සමාගම් වලට අරමුදල් සැපයීමට සලකා බලමින් සිටින බව පැවසේ. කෙසේ වුවද අමෙරිකානු දේශීය ඛනිජ තෙල් කැනීම් කරන සමාගම් ඉල්ලුමක් නොමැති ඛනිජ තෙල් නැමැති පාරිභෝගික භාන්ඩය නිෂ්පාදනය නවතා දැමීමට සලකා බලමින් සිටින බවද මාධ්‍යය වාර්තා පවසා සිටී.

කෙසේ වුවද අනාගත ගිවිසුම් පිළිබඳව කිසිදු ස්ථීරතාවයක් නොමැති හෙයින්ද මුහුදේ ඇති තෙල් අට්ටාල වල නිෂ්පාදන ගොඩ ගැසී ඇති බැවින්ද ගොඩබිමෙහි ඇති බොරතෙල් ගබඩා පිරී ඇති බව අමෙරිකානු දේශීය තෙල් සමාගම් නොසන්සුන් වී ඇති බව මාධ්‍යය වාර්තා පවසයි. මේ වන විට ලෝකය පුරා ඛනිජ තෙල් සඳහා ඇති ඉල්ලුම 30%කින් පහළ වැටී ඇති බව පැවසේ.

ජීවන්ත ජයතිස්ස
jeewanthaj@gmail.com

මූලාශ්‍ර www.rt.com