වෛරසයට එරෙහි සටනේදී ආධාර ලබා දීම සඳහා ශ්‍රී ලංකාවට හමුදා යවන පුවත ඉන්දියාව ප්‍රතික්ෂේප කර තිබෙනවා.

ඉන්දියානු පීටීඅයි පුවත් සේවය ඊයේ (21) වාර්තා කර තිබුණේ ඉන්දියානු හමුදාව ශ්‍රී ලංකාව, බංග්ලාදේශය, භූතානය සහ ඇෆ්ගනිස්ථානය යන රටවලට වෙන වෙනම කණ්ඩායම් යෙදවීමට සූදානම් වන බවයි.

වසංගතයට එරෙහිව සටන් කිරීම සඳහා කලාපයේ සියලුම මිත්‍ර රටවලට උදව් කිරීමේ ඉන්දියාවේ ප්‍රතිපත්තියේ කොටසක් ලෙස ශ්‍රී ලංකාව, බංග්ලාදේශය, භූතානය සහ ඇෆ්ගනිස්ථානය සඳහා කණ්ඩායම් සූදානම් වෙමින් සිටින බව PTI වාර්තා කර තිබුණා.

කෙසේ වෙතත්, ඉන්දීය මහ කොමසාරිස් ආරංචි මාර්ග කියා සිටියේ ශ්‍රී ලංකාවට හමුදාව යෙදවීමට කිසිදු පියවරක් නොමැති බවයි.

==============================

කොරෝනාවට එරෙහිව ඉන්දිය හමුදාව ලංකාවට

කොරෝනා වෛරසය වර්ධන වැඩසටහන සඳහා ශ්‍රී ලංකාවට ඉන්දීය හමුදාව යෙදවිමට කටයුතු කර ඇති බවට ඉන්දීය මාධ්‍ය වාර්තා කරයි. ඒ අනුව ශ්‍රී ලංකාව, බංගලාදේශය, බූතානය සහ ඇෆ්ගනිස්ථානයට මෙලෙස ඉන්දීය හමුදාවේ කණ්ඩායම් යොදවා තිබේ.

මේ අතර පසුගිය දා හමුදා නිලධාරීන් 14 දෙනෙකුගෙන් යුතු කණ්ඩායමක් මාලදිවයිනට පිටත් කර තිබුණේ ය.

ඒ රටට කොරෝනා වෛරස පරීක්ෂණ සඳහා සහ මර්ධන කටයුතු වලට සහාය දීම සඳහාය.

මූලාශ්‍ර – m.economictimes.com