එලෙසම ආර්ද්‍රතාවය,විරංජන කාරක ද්‍රව්‍යය සහ ඇල්කොහොල් සමස්ථානික ආදියද COVID-19 වෛරසය ඉක්මනින් මර්ධනය කළ හැකි මාධ්‍යය බවට සොයා ගෙන ඇති බවද මාධ්‍යය හමුවේදි එලිදරව් කෙරුණි. ධවල මන්දිර COVID-19 වෛරසය පිළිබඳ ලුහුඬු සමාලෝචන සැසිවාරයේදී අමෙරිකානු ස්වදේශ කටයුතු ආරක්ෂක අමාත්‍යාංශයේ විද්‍යා හා තක්ෂණ ප්‍රධානී විලියම් බ්‍රයන් මහතා විසින් මාධ්‍යට ඉදිරිපත් කර තිබූ මූලික වාර්තාවට අනුව වෛරසය ඉතා වේගයෙන් විනාශ වීමට බලපාන සාධක අතර පරිසර උෂ්නත්වය ෆැරන්හයිඩ් අංශක 75( සෙල්සියස් අංශක 24 ) සහ වාතයේ ආර්ද්‍රතාවය 80% වැනි තත්වයන් නිරීක්ෂණය කළ බව පැවසුවේය.

ඒ අනුව ග්‍රීෂ්ම හිරුට නිරාවරනය වූ පරිසර උෂ්නත්වය සෙන්ටිග්‍රේඩ් අංශක 21-24 අතර වූ සහ වාතයේ ආර්ද්‍රතාවය 80%ක මට්ටමේ වන විට වෛරසයේ ආයු කාලය විනාඩි දෙකකට සීමා වන බව වාර්තාව පෙන්වා දේ. මේ තත්වය එරෝසොල් භාවිත කළහොත් වෛරසයේ ආයු කාලය මිනිත්තු 1.5කට වඩා අඩුවන බව වාර්තාව පවසයි.ශ්‍රී ලංකාවට මෙය ඉතා හොඳින් ප්‍රයෝජනයට ගත හැකි වාර්තාවක් යැයි පවසන විද්වතුන් පවසා සිටින්නේ අද(25) උදේ වරුවේ ශ්‍රී ලංකාවේ කොළඹ උෂ්ණත්වය සෙල්සියස් අංශක 29 ක් සහ වාතයේ ආර්ද්‍රතාවය 86%ක් වී ඇති බවයි.

කෙසේ වුවද COVID-19 මර්ධනය කටයුතු හිරු එලියට සහ වාතයේ ආර්ද්‍රතාවයට පමණක් භාර දී බලා සිටිය නොහැකි බව අවධාරණය කිරීමට ස්වදේශ කටයුතු ආරක්ෂක අමාත්‍යාංශ විද්‍යා හා තක්ෂණ ප්‍රධානී විලියම් බ්‍රයන් මහතා මාධ්‍යය සාකච්ඡාවේදී වග බලා ගත්තේය.

ජීවන්ත ජයතිස්ස
jeewanthaj@gmail.com

මූලාශ්‍ර – sputniknews.com