දැනට ඉහළ මට්ටමක පවතින ලෝක වෙළඳපොලේ රන් මිල නුදුරු අනාගතයේදී සමනය වනු ඇති බව විශ්ලේෂකයින් පෙන්වා දෙනවා.

කොරෝනා වෛරස් ගෝලීය වසංගතයත් සමඟ සුරක්ෂිත ආයෝජනයක් ලෙස රන්මිල කැපී පෙනෙන ලෙස ඉහළ යාමක් දක්නට ලැබුණා.

සති කිහිපයක් තුළ රන් අවුන්සයක මිල ඇමරිකානු ඩොලර් 1,451 සිට 1,747 දක්වා ඉහළ ගිය අතර, එය යොමුව ඇතතේ අවුන්සයක් සඳහා ඩොලර් 1,800 සීමාවටය.

රන් මිල නිවැරදි කිරීමක් ලෙස ඉදිරියේදී පහත වැටුණද එය කැපී පෙනෙන අපගමනයක් නොවන බව විශ්ලේෂකයින්ගේ අදහසයි. ඒ අනුව රන් අවුන්සයක් ඩොලර් 1,500 සීමාවේ පවතිනු ඇති බව ඔවුන් පෙන්වා දුන්නා.