කොරෝනා වෛරසය පැතිරීම වැළක්වීම සඳහා ඉකුත්  මාර්තු  මස 25 වැනිදා සිට අගුලු දමා තිබෙන ඉන්දියාවේ අප්‍රේල් මාසය තුළ අගුලු දැමීමේ දැඩි නීතිරීති හේතුවෙන් මිලියන 122 කට සිය රැකියා අහිමි වී ගොස් ඇති  බව එරට පුද්ගලික පර්යේෂණ ආයතනයක් වන ඉන්දියාවේ ආර්ථිකය අධීක්ෂණය කිරීමේ මධ්‍යස්ථානය අද (06දා ) ප්‍රකාශ  කර තිබේ.

මේ අනුව මේ වන විට ඉන්දියාවේ රැකියා විරහිත පුද්ගලයින්ගේ සංඛ්‍යාව වාර්තාගත අයුරින් සියයට 27.1  ක් දක්වා ඉහළ ගොස් ඇති අතර  මෙම ප්‍රතිශතය ඇමරිකා එක්සත් ජනපදයේ රැකියා විරහිත පුද්ගලයින්ගේ ප්‍රතිශතය මෙන් සිවු ගුණයක් බව එම මධ්‍යස්ථානය කියයි.

මෙතෙක් ඉන්දීය රජය විසින් රටේ රැකියා විරහිත භාවය පිලිබඳ නිල දත්ත එළි දක්වා නැති අතර ඉන්දීය ආර්ථිකය අධීක්ෂණය කිරීමේ මධ්‍යස්ථානයේ දත්ත එරට වැඩි පිළිගැනීමකට ලක්ව තිබෙන බව පැවසේ.