දකුණු කොරියාවේ සියෝල් නුවර විවේකය සඳහා වෙන් කර ඇති ප්‍රදේශයක ක්‍රියාත්මක වන රාත්‍රී සමාජ ශාලාවක සේවය කරන සේවකයෙකු කෝවිඩ්19 වෛරසය ආසාදිතයෙකු බවට හඳුනාගැනීමෙන් පසුව දකුණු කොරියාව තුළ නැවත වතාවක් කෝවිඩ්19 වෛරසය ආසාදනය හිස ඔසවනු ඇති බවට එරට සෞඛ්‍යය අංශ සැක පළකරයි.

එරට සෞඛ්‍යය අංශ වාර්තා වලට අනුව පසුගිය සිකුරාදා දිනය වන විට සියෝල් නුවර ඉටේවොන් පළාත ආශ්‍රිතව අළුතින් වෛරසය ආසාදිත වූවන් 15 දෙනෙකු හමුවූ අතර සෙනසුරාදා හවස් වන විට මුළු දකුණු කොරියාව පුරාම වෛරසය ආසාදිතයින් 40 දෙනෙකු සොයා ගැනීමට කොරියානු සෞඛ්‍යය අංශ සමත්ව තිබුණි.

ඉටේවොන් පළාත සියෝල් නගරය ආශ්‍රිතව පිහිටා ඇති අතර රාත්‍රී සමාජශාලා සහ තැබෑරුම් විශාල ප්‍රමාණයක් පිහිටි ප්‍රදේශයකි. සමාජ දුරස්ථීකරණ නීති ලිහිල් කිරීම මෙම තත්වයට හේතු වන්නට ඇතැයි කොරියානු ජනයා විශ්වාස කරණ බව එරට මාධ්‍යය වාර්තා පවසයි.

ජීවන්ත ජයතිස්ස,
jeewanthaj@gmail.com

මූලාශ්‍ර https://www.rt.com