ඉතා ශීඝ්‍රයෙන් කොරෝනා වෛරසය පැතිර යමින් පවතින  රුසියාවේ සති හයකට පෙර ක්‍රියාත්මක කරනු ලැබූ අගුලු දැමීම  (12දා ) තරමක් ලිහිල් කරන බව රුසියානු ජනාධිපති ව්ලැඩිමීර් පුටින් ඊයේ(11දා) නිවේදනය කළේය.

රට අගුලු දැමීම නිසා බලපැවැත්වූ “වැඩ නොකිරීමේ කාලසීමාව” නිමා කරමින් ව්‍යාපාර ආයතනවල වැඩකටයුතු පවත්වාගෙන යාම සඳහා මෙසේ අගුලු දැමීම ලිහිල් කෙරෙන බවත්  කොරෝනා වෛරසය තදින් පැතිර යන කලාපවල අවශ්‍ය වුවහොත් දැඩි සීමාවන් තවදුරටත් පවතවාගෙන යාමට කටයුතු  කරන බවද රුසියානු ජනාධිපතිවරයා කියයි.

ලොව තුන්වැනි වැඩිම කොරෝනා ආසාදිතයින් සංඛ්‍යාවක් වාර්තාව ඇති රට වන රුසියාවෙන් ගත වූ පැය 24 ක කාලය තුළදී කොරෝනා ආසාදිතයින් 11,656 ක් වාර්තා වී තිබේ .මේ අනුව එරටින් වාර්තා වී ඇති මුළු කොරෝනා ආසාදිතයින්ගේ සංඛ්‍යාව 221,344 ක් දක්වා වැඩි වී තිබේ .මෙතෙක් එරටින් වාර්තා වී ඇති කොරෝනා මරණ සංඛ්‍යාව 2009 කි.

Divaina