වයස අවුරුදු සීයක් වන කාන්තාවක් කොරෝනා වෛරසයෙන් සුවය ලැබූ පුවතක් රූසියානු මාධ්‍ය වාර්තා කරයි. නමින් Pelageya Mikhailovna වන ඇය 2020 මැයි 13 වන දින තම සියවන ජන්ම දිනය සමරා ඇත.

ඇය රුසියානු ස්නායු තාක්ෂණ මධ්‍යස්ථානයේ සාමාන්‍ය වාට්ටුවක ප්‍රතිකාර ලබමින් සිට ඇයගේ ජන්ම දිනය සැමරීමට රෝහලෙන් පිට වී ඇත. ඇය සමග එම රෝහල් වාට්ටුවේ ප්‍රතිකාර ගත් නේවාසික මිතුරිය හට කොරෝනා වෛරසය ආසාදනය වී ඇති බව පසුව හෙළි වී ඇත.

පසුව අවුරුදු සියයක් වයසැති මෙම කාන්තාව කොරෝනා රෝග ලක්ෂණ සහිතව නැවත රෝහලට ඇතුළත් වී ඇති අතර සාර්ථක ලෙස ප්‍රතිකාර නිම කිරීමෙන් අනතුරුව සම්පූර්ණ සුවය ලබා ඇත. COVID-19 ආසාදනය වී සුවය ලැබූ එම වයස් කාණ්ඩයේ පළමු රෝගියා මැය වන බව රුසියානු මාධ්‍ය වාර්තාවල සඳහන් වේ.

මූලාශ්‍ර
news.mail.ru