මෙරට ආර්ථිකයට ප්‍රබල දායකත්වයක් සැපයූ ඇඟලුම් කර්මාන්තය ද කොවිඩ් 19 වෛරසය හේතුවෙන් මේ වන විට දැඩි බලපෑමකට ලක්ව තිබේ.

1977 න් පසු ආර්ථිකයේ සිදු වූ ව්‍යුහාත්මක පරිවර්තනයත් සමඟින් ශ්‍රී ලංකාවේ ප්‍රධාන ආදායම් ප්‍රභවයක් බවට ඇඟලුම් කර්මාන්තය පත් වූ අතර ඉතා කෙටි කාලයක් තුළ ලෝකයේ අංක එකේ ඇඟලුම් නිෂ්පාදකයකු බවට පත්වීමට ද ශ්‍රී ලංකාවට හැකි විය.

විශ්වසනීය හා ගුණාත්මකභාවය හේතුකොට ගනිමින් මෙරට ඇඟලුම් කර්මාන්තය  ජාත්‍යන්තර කීර්තියක් ලැබූ අතර මෙරට සමස්ත අපනයන ආදායමෙන් සියයට 48 ක් උපයන්නේද එම කර්මාන්තයෙන්.

2017 වසරේදී අමෙරිකානු ඩොලර් බිලියන 4819 ක ආදායමකට හිමිකම් කියූ ඇගලුම් කර්මාන්තය 2018 දී ලබාගන්නේ අමෙරිකානු ඩොලර් බිලියන 5050ක ආදායමක්.

2019 වසරේ ඇගලුම් ආනයනය කිරීමෙන් ලද ආදායම රුපියල් බිලියන 5305 ක් ලෙස වාර්තා වුවද පවතින කොවිඩ් – 19 වෛරස ව්‍යාප්තිය හේතුවෙන් ගත වූ මාස 4 තුල දී ඇඟලුම් අපනයනය කිරීමෙන් උපයා ගත හැකි වී ඇත්තේ අමෙරිකානු ඩොලර් බිලියන 1248  ක් පමණයි.

මහා පරිමාණ ඇඟලුම්හල් 200 ක් පමණ මෙරට පැවතියත් අද වන විට එයින් විවෘතව ඇත්තේ 50% පමණ කර්මාන්ත ශාලා ප්‍රමාණයක්.

වෙනදාට රෙදිපිළිවලින්, ජනතාවගෙන් පිරී ඉතිරී යන මංමාවත්වල අද දක්නට ලැබෙන තත්ත්වයයි මේ.

ඇඟලුම් කර්මාන්තයේ ඍජු ආදායම්ලාභීන්ට මෙන්ම වක්‍ර ආදායම්ලාභීන්ට ද මෙම වසංගතය එකලෙස බලපා තිබෙනු දක්නට ලැබෙයි.