කොවිඩ්-19 වසංගත ව්‍යාප්තියත් සමඟ 2020 මාර්තු මස අග සිට අප්‍රේල් මැද දක්වා කාලපරිච්ඡේදය තුළ දී තියුණු අවප්‍රමාණය වීමේ පීඩනයකට මුහුණ දුන් ශ්‍රී ලංකා රුපියල එතැන් සිට ස්ථාවර වූ අතර, 2020 වසරේ මැයි මාසයේ දී සැලකිය යුතු අතිප්‍රමාණය වීමක් වාර්තා කළේය.

මෙම ත්ත්වය හමුවේ, 2020 වසරේ අප්‍රේල් මස 09 වැනි දින දක්වා එක්සත් ජනපද ඩොලරයට සාපේක්ෂව සියයට 9.1කින් අවප්‍රමාණය වූ රුපියල එතැන් සිට, 2020 වසරේ ජූනි 22 වැනි දින දක්වා කාලපරිච්ඡේදය තුළ දී සියයට 2.7ක සමස්ත අවප්‍රමාණය වීමක් වාර්තා කරමින් අතිප්‍රමාණය විය.

අනෙකුත් විදේශ ව්‍යවහාර මුදල්වල හැසිරීම පිළිපිඹු කරමින් 202 ජූනි මස 22 වෙනි දින දක්වා කාලපරිච්ඡේදය තුළ දී රුපියල, යූරෝ, ජපන් යෙන් සහ ඕස්ට්‍රේලියානු ඩොලරයට සාපේක්ෂව අවප්‍රමාණය වූ අතර, ස්ටර්ලින් පවුම, කැනේඩියානු ඩොලරය සහ ඉන්දියානු රුපියලට සාපේක්ෂව අතිප්‍රමාණය විය.

ශ්‍රී ලංකා මහ බැංකුවේ ආර්ථික පර්යේෂණ දෙපාර්තමේන්තුව විසින් නිකුත් කරන ලද 2020 අප්‍රේල් මාසයේ දී විදේශීය අංශයේ ක්‍රියාකාරීත්වය පිළිබඳ වාර්තාවෙ හි මේ බව සඳහන් වේ.