ගත වූ පැය 24 තුළ ඉන්දියාවේ කොවිඩ්-19 ආසාදිතයින් 25,000කට ආසන්න සංඛ්‍යාවක් වාර්තා වී තිබේ.

එම කාලය තුළ නව ආසාදිතයින් 24,879 දෙනෙකු හඳුනාගෙන ඇති අතර එය ඉන්දියාවේ වැඩිම දෛනික ආසාදිතයින් සංඛ්‍යාව බව විදෙස් මාධ්‍ය වාර්තා කරයි.

පසුගිය 05 වන දා ද ඉන්දියාවේ දෛනික කොවිඩ් -19 ආසාදිතයින් සංඛ්‍යාව 25,000කට ආසන්න වී තිබුණි.

මේ වන විට ඉන්දියාවේ සමස්ත කොවිඩ්-19 ආසාදිතයින් සංඛ්‍යාව 767,296ක් වේ.

ගත වූ පැය 24 තුළ සිදුවු මරණ 487 සමඟ එරට කොවිඩ්-19 ආසාදනය වීමෙන් සිදුව ඇති සමස්ත මරණ සංඛ්‍යාව 21,129ක් දක්වා ඉහළ ගොස් තිබේ.