හැකිනම් තනි ආණ්ඩුවක් නිර්මාණය කර පෙන්නවන ලෙසත්, එවිට ඒ ගැන බලාගන්නා බවත් අමාත්‍ය සුසිල් ප්‍රේම ජයන්ත මහතා පවසයි.

ජනපතිවරයා විසින් ලේකම්වරුන් දෙදෙනා තහනම් නොකළා නම් අද එජාපය ඉන්නේ ආණ්ඩු පක්ෂයේ නොවන බවද ඒ මහතා කියා සිටියේය.

විශ්වාසභංග යෝජනාව සම්බන්ධයෙන් විවාදයේදී ඉතාමත් උණුසුම් ප්‍රකාශයක් කරමින් ඔහු මේ බව සඳහන් කළේය.

ඔහුගේ කතාවට ආණ්ඩු පක්ෂයෙන් දැඩි බාධාවක් එල්ල වුණි.

“රිලව නටනකොට මිනිස්සු කලබල වෙන්නේ නෑ. අහිකුණ්ඨකයෝ පොල්ල වනන කොට නටන රිලව් නෙමෙයි පාර්ලිමේන්තුවේ ඉන්නේ. තනි ආණ්ඩුවක් හදන්න හදනවා හදලා බලමු.”

ශ්‍රී ලංකා නිදහස් පක්ෂයේ ලේකම් නෙමෙයි පක්ෂය කියන්නේ. ජෝන් අමරතුංග, මම, ඩිලාන් ඇමැතිතුමාලා වගේ පරණ අය ගියාම ඔතනින් ගියාම ශ්‍රීලනිපයක් නෑ ඔතන. අර්ජුන ගෙනාවේ කවුද? එයාට ඇප වුණේ කවුද? විත්තිකාරයා නැතිනම් ඇප කාරයට වරෙන්තු කරනවා. මේ තියෙන්නේ ඇප කාරයට නිකුත් කළ වරෙන්තුව. අපි තනතුරු කෑදර නෑ. අපි පිං මන්ත්‍රීකම් අරගෙන නෑ. අපි එක් ලක්ෂ ගණනක් අරගෙන පාර්ලිමේන්තුවට ආවේ. අපි පිං මන්ත්‍රීලට උත්තර දෙන්නෙත් නෑ. යැයිද ඒ මහතා කියා සිටියේය.