ජපාන මාධ්‍යය වාර්තා කර සිටියේ එරට අගමැති ෂින්සෝ අබේ මහතා අගමැති තනතුරෙන් ඉල්ලා අස්වීමට ඉඩ ඇති බවයි. පසුගිය දෙසතිය තුළ දෙවරක් රෝහල් ගත වූ අගමැති ෂින්සෝ අබේ මහතා දරුණු උදරාබාධයකට ලක්ව සිට ප්‍රතිකාර ලැබූ අයෙකි.

මේ හේතුව නිසාම 2007 වසරේ තනතුර අතහැර ගිය අතර නැවත 2012 වසරේ දී නැවත අගමැති තනතුරට පත් විය.ජපානයේ පාලක ලිබරල් පක්ෂයේ සභාපති හිරොයිකි හොසොඩා මහතාද අගමැති ෂින්සෝ අබේ මහතාගේ ඉල්ලා අස්වීම තහවුරු කර ඇති බවද එරට මාධ්‍යය වාර්තා කර සිටී.

අද සවස අගමැති ෂින්සෝ අබේ මහතා සිය අවසාන මාධ්‍යය පැවැත්වීමට නියමිත බව පැවසෙන අතර ජූනි මස 18 වනදායින් පසුව අගමැති ෂින්සෝ අබේ මහතා පවත්වෙන දිගම මාධ්‍යය සාකච්ඡාව මෙය වීමට ඉඩ ඇති බව එරට මාධ්‍යය පවසයි.

ජීවන්ත ජයතිස්ස,
jeewanthaj@gmail.com