එක්සත් ජාතීන්ගේ වධ හිංසා පිළිබඳ විශේෂ වාර්තාකරු Nils Melzer විසින්; විකි ලීක්ස් හිමිකරු ජුලියන් අසාන්ජ්ට ක්ෂමාව භජනය කරන ලෙස ඇමරිකානු ජනාධිපති ඩොනල්ඩ් ට්‍රම්ප්ට යවන ලද විවුර්ත ලිපියක් මඟින් ආයාචනය කර ඇත.

අවුරුදු ගණනාවක් ලන්ඩනයේ ඉක්වඩෝර් තානාපති කාර්‍යයාලයේ හුදකලාව සිටීමෙන් මෙන්ම මේ වනවිට ඔහු එංගලන්තයේ රඳවා සිටින  Belmarsh  සිරකඳවුරේ ඇති අයහපත් තත්වය ද හේතුවෙන් අසාන්ජ් මානසිකව මෙන්ම ශාරීරිකවද ඉතා දුබල වී ඇති බවත් සිරකඳවුරේ පවතින කොවිඩ් අවදානම අසාන්ජ්ගේ ජීවිතයට පවා තර්ජනයක් බවත් ඔහුගේ ලිපියෙන් අවධාරණය කොට පෙන්වා දී ඇත.

අසාන්ජ් කිසිසේත්ම ඇමරිකානු ජනතාවගේ හතුරෙක් නොවන බවත් ඔහුගේ විකිලීක්ස් වෙබ් අඩවිය සටන් කළේ ලොව පුරා රහස්‍යභාවයෙන් සඟවාගත් වංචාවන්ට සහ දූෂණයට එරෙහිව බවත් එමෙන්ම අසාන්ජ්ගේ සටන ඇමරිකානු පොදු ජනතාවගේ අයිතීන් වෙනුවෙන් සහ සමස්ථ ලෝකයේම මනුෂ්‍යත්වය වෙනුවෙන් වූ සටනක් බවත් Melzer සිය ලිපියෙන් වැඩිදුරටත් පෙන්වා දී තිබේ.

වැඩිදුර තොරතුරු පහත ලින්ක් එකෙන්

https://www.rt.com/news/510513-assange-un-trump-pardon/