තම රටේ කෝටියක ජනතාවකට කොවිඩ් එන්නත් නොමිලයේ ලබාදීම අරමුණු කරගනිමින් වෙනිසියුලා ජනාධිපති නිකලස් මදුරෝ රුසියාවේ රජය සමඟ Sputnik V එන්නත ලබාගැනීම සඳහා වන ගිවිසුමකට ඊයේ (29) දින අත්සන් කළ බව නිවේදනය කර සිටී.

එන්නත් ලබාදීමේ පළමු වටය 2021 මුල් කාර්තුවේදී අවසන් කිරීමට බලාපොරොත්තු වන බව ද කොළොම්බියානු, පෘතුගීසි, ඉතාලි සහ වෙනිසියුලානු සියලු දෙනාට කිසිදු ජාති ආගම් භේදයකින් තොරව එය නොමිලයේ ලබාදෙන බවද ඔහු වැඩිදුරටත් නිවේදනය කර සිටී.

නමුත් කොලොම්බියා සැලසුම වන්නේ වෙනිසියුලානු ආගමණිකයින් 900,000ක් බැහැර කර එම රටේ එන්නත් වැඩපිළිවෙල ඉදිරියට ගෙන යෑමටයි.

රුසියානු ජනාධිපති පුටින්ට සිය කෘතඥතාවය පළ කරමින් ඔහු සඳහන් කර ඇත්තේ මෙය පසුගිය මාස කිහිපයක වෙහෙසකර මෙන්ම ඉතා වගකීමෙන් සලකා බලා කරන ලද වැඩපිළිවෙලක ප්‍රතිඵලයක් බවයි.

Tras meses de un trabajo serio y responsable con nuestros hermanos rusos, hoy firmamos el convenio para la adquisición de las primeras 10 millones de vacunas Sputnik V. Agradezco al Presidente Putin por este importante paso para el inicio de la vacunación masiva en Venezuela. pic.twitter.com/GopeQ7uKe0

— Nicolás Maduro (@NicolasMaduro) December 29, 2020

ඔක්තෝබර් මාසයේ සිට එරටදී සිදු කළ පර්යේෂණාත්මක අත්හදා බැලීම් ඉතා සාර්ථක බවත් එහිදී කිසිදු අහිතකර යමක් වාර්තා වී නොමැති බැවින් එන්නත කෙරෙහි ප්‍රභල විශ්වාසයක් තැබිය හැකි බවත් ඔහු වැඩි දුරටත් ප්‍රකාශ කර සිටී.

මෙම එන්නත් ලබාදීම කොවිඩ් පැරදවීමේ ජයග්‍රහණයක් වුවද ජනතාව අනුගත වූ සෞඛය ආරක්ෂණ සංස්කෘතිය දිගටම ආරක්ෂා කරගෙන ඉදිරියට ගෙනයන ලෙස ඔහු තම රටවැසියන්ගෙන් ඉල්ලාසිටී.

එමෙන්ම මෙම ගිවිසුම අත්සන් කිරීමේ අවස්ථාවට සහභාගී වූ එරට උප ජනාධිපතිනී ඩෙල්සි රොද්‍රිගුවස් වෙනිසියුලාවට එරෙහි ඇමරිකානු සම්බාධක සිහිපත් කරමින් පවසන්නේ “තම රටට අදාල ස්වාධීන තීන්දු ගැනීමේ පූජනීය අයිතියට කිසිවෙකුට බාධා කළ නොහැකි” බවයි. එම සම්බාධක පැනවීම සාපරාධී ක්‍රියාවක් බව ඔවුන්ගේ චෝදනාවයි.

වැඩිදුර තොරතුරු පහත ලින්ක් එකෙන්
https://www.rt.com/news/511063-sputnik-vaccine-venezuela-deal/