2050 වසර වනවිට කාබන් විමෝචනය බින්දුවට බස්සන ලද රටක් බවට පත්වීම සඳහා ජපානයේ ඇති අභිලාෂය ශාක්ෂාත් කරගැනීමේ තවත් පියවරක් ලෙස ජපානයේ විශාලතම ගුවන් සමාගම වන All Nippon Airlines (ANA) සමාගම තම ජෙට් යානා සඳහා ජීව ඉන්ධන භාවිතාව හඳුන්වා දීමට තීරණය කර තිබේ.

එහි ප්‍රථම පියවරක් ලෙස පසුගියදා තෝකියෝ සිට ටෙක්ස්සාස් බලා පියාසර කරන ලද ගුවන් යානයක් ජීව ඉන්ධන මඟින් පියාසර කරවීමට ඔවුන් පියවර ගෙන තිබේ. මාංශ නිෂ්පාදන අපද්‍රව්‍ය වලින් නිපදවා ඇති එම ජීව ඉන්ධන වියදම් අධික වූවද එය ඉදිරියට දිගටම භාවිතා කිරීමට ඔවුන් තීන්දු කළ බව ANA සමාගම පවසයි.

ඒ අනුව යමින් Japan Airlines ද ගෘහස්ත ප්ලාස්ටික් සහ රෙදිපිළි අපද්‍රව්‍ය මඟින් නිපදවන ජීව වායුවකින් ඔවුන්ගේ ගුවන් යානා පියාසර කරවීමට නව වසරේ සිට පියවර ගන්නා බවත් එම ව්‍යාපෘතිය සඳහා දැනට වසර දෙකකට පෙර විශාල ආයෝජනයක් ඔවුන් කළ බවත් ප්‍රකාශ කර සිටී.