මෑතදී පැවැත්වූ ජනාධිපතිවරණයෙන් ජයග්‍රහණය ලබා ඇමරිකාවේ 46 වන විධායක ජනාධිපතිවරයා ලෙස ජෝ බයිඩ්න් අද (20) දින නිළ වශයෙන් දිවුරුම්දීමට නියමිතව තිබියදී ඇමරිකාවේ සෑමතැනකම දැඩි ආරක්ෂක විධිවිධාන යොදා ඇතැයි වාර්තාවේ.

මේ වනවිට වොෂින්ටන් නගරය වසාදමා ඇති අතර ජාතික ආරක්ෂක බළඇනියේ සෙබලුන් 25,000ක් මුර සංචාරයේ යොදවා අති නමුත් ඔවුන් වැඩි පිරිසක් ට්‍රම්ප් හිතවාදීන් යයි ඇති සැකය මත කොන්ග්‍රස් මණ්ඩළය රැස්වෙන කැපිටෝල් ගොඩනැගිල්ල (Capitol Building) තියුණු මුවහත් කම්බිවලින් (Concertina Wire – Razor Wire Fence) වටකොට ඇති බව විදේශ මාධ්‍යය සඳහන් කරයි.

තම නිළ කාළය අවසන්වීමෙන් අනතුරුව ඉවත්ව යන ජනාධිපතිවරයා සාම්ප්‍රදායික ලෙස මෙම දිවුරුම්දීමේ උත්සවයට සහභාගී වූවද ඉවත්ව යන ට්‍රම්ප් ජනාධිපතිවරයා මෙම උත්සවය වර්ජනය කිරීමෙන් පැහැදිලිවම පෙනීයන්නේ ඔහු මෙම පත්වීම පිළිනොගන්නා බවයි.

මෙම සංදර්භය තුළ මේ වනවිට ඇමරිකානු ජනතාව මතවාදීමය වශයෙන් දැඩි ලෙස බෙදී ඇති පසුබිමක මතුවී ඇති දැඩි නොසන්සුන්තාවය හේතුවෙන් වොෂින්ටනයට අමතරව ඈත ග්‍රාමීය ප්‍රදේශ පවා මේ ආකාරයේ දැඩි ආරක්ෂක සීමාවන් පනවා ජනතාවගේ සංචරණය දැඩි ලෙස සීමා කර ඇති බව ද වාර්තාවේ.

Downtown Washington is basically a military and law enforcement fortress a day before the inauguration. There are checkpoints at nearly every corner, streets blocked off with giant trucks & National Guard troops continue streaming in. pic.twitter.com/As5Q7KSTsD

— Mike Balsamo (@MikeBalsamo1) January 19, 2021

වැඩිදුර තොරතුරු පහත ලින්ක් එකෙන්

https://www.rt.com/usa/513009-biden-takes-office-inauguration/