8 වැනි පාර්ලිමේන්තුවේ දෙවන සභා වාරය අද(08) විවෘත කිරීමට නියමිතව තිබේ.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පස්වරු 2.15ට පාර්ලිමේන්තුවේ දෙවන සභා වාරය උත්සවාකාරයෙන් විවෘත කිරීමට නියමිත බව පාර්ලිමේන්තු නියෝජ්‍ය මහලේකම් නීල් ඉද්දවල මහතා සඳහන් කළේය.

පසුගියදා ජනාධිපති මෛත්‍රීපාල සිරිසේන මහතා විසින් අට වන පාර්ලිමේන්තුවේ පළමු සභා වාරය අවසන් කළ අතර ඒ අනුව දෙවන සභා වාරය අද දිනයේ සිට ආරම්භ කෙරෙනු ඇති.

දෙවන සභා වාරය ආරම්භ කිරීම සදහා අවශ්‍ය සියලු කටයුතු සම්පාදනය කර ඇති බව පාර්ලිමේන්තු නියෝජ්‍ය මහලේකම් නීල් ඉද්දවල මහතා සඳහන් කළේය.

පාර්ලිමේන්තු සභා වාරය ආරම්භ කිරීමට පෙර සම්මාන වෙඩි මුර 21ක් පවත්වා උත්තමාචාර සිදුකිරීමට ද නියමිතයි.

සජීවී විකාශය මෙතනින්