තවත් දින හයකට පසු එනම් 15 වැනිදායින් පසු ශ‍්‍රී ලංකා නිදහස් පක්‍ෂය ස්ථිර වශයෙන්ම ආණ්ඩුවෙන් ඉවත් වන බව විපක්‍ෂයට එක් වූ ශ‍්‍රීලනිප 16 කණ්ඩායම කියා සිටිති.

ආණ්ඩුවෙන් ඉවත් විය යුතු යන යෝජනාව ශ‍්‍රීලනිප මධ්‍යම කාරක සභාවේදී සම්මත කර ගන්නා බවත් ඉන් පසු එජාපයට යන අයට හා හැකි බවත් ඔවුන් සදහන් කරති.

ශ‍්‍රිලනිප මහ ලේකම්වරයා හා සන්ධාන මහ ලේකම්වරයා එම තනතුරුවලින් ඉවත් කර වෙනත් ගැලපෙන පුද්ගලයන් දෙදෙනෙකු ඊට පත් කර ගැනීමටද එම පිරසි බලාපොරොත්තු වෙති.

ජනාධිපති මෛත‍්‍රිපාල සිරිසේන මහතාගේ ඉල්ලීම මත මැයි 08 වැනිදා පසුවන තෙක් කාලයක් සිටි බවත් තවත් කාලයක් කිසිසේත්ම බලා සිටීමට සූදානම් නැති බවත් එම කණ්ඩායම මීට පෙර සදහන් කර තිබින.මේ අතර 16 කණ්ඩායම මේ මස 15 වැනිදා හිටපු ජනාධිපති මහින්ද රාජපක්ෂ මහතා හමුවීමට නියමිතයි.