ඇමරිකානු ආණ්ඩු ක්‍රම ව්‍යවස්ථාවේ 230 වගන්තියෙන් එරට “මාධ්‍ය තාක්ෂණ දැවැන්තයින්ට” දී ඇති ආවරණය ඉවත් කළ යුතු බව එරට හිටපු ජනාධිපති ඩොනල්ඩ් ට්‍රම්ප් ජනවාරි 20 දිනට පසු අද (මාර්තු 1 දින – ඇමරිකාවේ පෙබරවාරි 28 දින රාත්‍රී) සිය ප්‍රථම ප්‍රසිද්ධ දේශනය පවත්වමින් පවසා සිටියේය.

මාධ්‍ය තාක්ෂණ දැවැන්තයින්ගේ ඒකාධිකාරය බිඳහෙළා සාධාරණ තරඟකාරී මාධ්‍ය භාවිතාවක් ස්ථාපිත කිරීමට කාළය පැමිණ ඇති බව පවසන ඔහු අතීතයේදී ජනතාවට තිබූ එම සාධාරණ අයිතිය සහ නිදහස මාධ්‍ය දැවැන්තයින් විසින් වාරණය කර ඇති බවත් එය පසුගිය ජනාධිපතිවරණයේදී තමාගේ මැතිවරණ ව්‍යාපාරයට තදින් බළපෑ බවත් වැඩිදුරටත් පවසයි.

මෙම දැවැන්තයින්ට නීතිමය සීමාවන් පැනවීමට ටෙක්ස්සාස් සහ ෆ්ලොරිඩා ප්‍රාන්ත ආණ්ඩුකාරවරුන් දැනටමත් පියවර ගෙන තිබීම අගය කළ ඔහු අනෙක් ආණ්ඩුකාරවරුන් ද ඒ පිළිබඳ ඉදිරි පියවර ගතයුතු බව අවධාරණය කළේය.

එමෙන්ම “බයිඩ්න් පාළනය” නරක බව අපි දැන සිටි නමුත් මෙතරම් නරක් වේයැයි කිසිවකු නොසිතූ බවත් තව කොතරම් කළක් මෙලෙස ඔවුනට පාළනය ගෙන යා හැකිදැයි කිව නොහැකි බවත් ඔහු ප්‍රකාශ කර සිටියේය.

බයිඩ්න් තම ධූරයේ වැඩ ආරම්භ කළ මොහොතේම අත්සන් කළ විධායක නියෝග 19 ද සමගින් මේ වනවිට විධායක තීන්දු 57ක් ගෙන ඇති අතර ඒ සියල්ලක්ම ට්‍රම්ප්ගේ ප්‍රතිපත්තීන්ට ප්‍රතිවිරුද්ධවය.

ට්‍රම්ප්ගේ ඇමරිකාව පෙරට න්‍යායට ප්‍රතිවිරුද්ධ ලෙස ගෝලීය න්‍යාය පත්‍රයකට හැරෙමින් ලෝක සෞඛ්‍ය සංවිධානයේ සහ එක්සත් ජාතීන්ගේ මානව හිමිකම් කවුන්සිලයේ සාමාජිකත්වය නැවත ලබාගැනීම, ට්‍රම්ප්ගේ දැඩි දේශ සීමා ප්‍රතිපත්ති ලිහිල් කිරීම මෙන්ම පැරිස් සමුළුවට නැවත එක්වීම ඒ අතර වේ.

ඒ අතර ජනවාරි 25 දින අත්සන් කරන ලද ට්‍රම්ප්ගේ ප්‍රතිපත්තීන්ට සමගාමීව යමින්, රාජ්‍යය ප්‍රසම්පාදනයේදී “ගන්න ඇමරිකන් නිෂ්පාදන” නියෝගය ද වේ.

වැඩිදුර තොරතුරු පහත ලින්ක් වලින්

https://www.rt.com/usa/516833-trump-censorship-big-tech/

ttps://www.theepochtimes.com/trump-hints-at-2024-run-blasts-biden-calls-for-unified-gop_3714930.html