2019 සිට 2020 දක්වා චීනයේ ධනවත් පුද්ගලයින්ගේ ලැයිස්තුවේ ඉදිරියෙන්ම සිටි අලිබබා සමාගමේ නිර්මාතෘ ජැක් මා හට එම ස්ථානය අහිමි වී ඇති බව වාර්තා වනවා.

නවතම ලැයිස්තුවට අනුව ධනවත්ම පුද්ගලයා ලෙස ඩොලර් බිලියන 74.3ක වත්කමක් වාර්තාවන “බෝතල් කළ පානීය ජලය” අලෙවි කිරීමේ ව්‍යාපාරයක් වන “නොන්ග්ෆු ස්ප්‍රින්ග්” (Nongfu Springs) හි හිමිකරු ෂොංග් ශාන්ශාන් (Zhong Shanshan) පත්ව ඇති බව විදෙස් මාධ්‍ය වාර්තා කරනවා.

එම ව්‍යාපාරයට අමතරව ෂොං ශාන්ශාන් හට කොවිඩ් -19 මර්ධන එන්නත් නිෂ්පාදනය කරනු ලබන බීජිං හි පිහිටි සමාගමක හිමිකාරිත්වයද ඇති අතර එම කොවිඩ් -19 මර්ධන එන්නත් නිෂ්පාදනය කරන සමාගමේ කොටස් සඳහා ඉල්ලුම සැලකිය යුතු ලෙස වර්ධනය වී ඇති බව ද දත්ත වාර්තා පෙන්වා දෙනවා.