ඉන්දුනීසියාවේ රාජ්‍ය තෙල් සමාගමක් වන “පර්තමිනා” සමාගම (Pertamina) යටතේ පවත්වාගෙන යනු ලබන විශාලතම තෙල් පිරිපහදුව වන බැලොන්ගන් පිරිපහදුවේ එරට වේලාවෙන් අලුයම් කාලයේ ගින්නක් හටගෙන ඇතැයි, විදෙස් මාධ්‍ය වාර්තා කරයි.

පුද්ගලයින් 5 දෙනෙකු පමණ තුවාල ලබා ඇති බවට වාර්තා වන අතර ඉන්දුනීසියා බලධාරීන් ගිනි නිවන භටයින් යොදා ගින්න නිවා දැමීමට දැඩි වෙහෙසක් ගනිමින් සිටින අතරවාරයේ පිරිපදුව ආසන්නයේ පදිංචිකරුවන් 950ක් පමණ ආරක්ෂිත ස්ථාන වෙත යොමු කිරීමට බලධාරීන් කටයුතු කර ඇත.

ගින්නෙන් තුවාල ලබා ඇත්තේ, අසාන්න පදිංචිකරුවන් සහ මාර්ගයේ ගමන් කරමින් සිටි කිහිපදෙනෙකි.

ජකර්තා අගනුවර සිට කිලෝමීටර් 200ක් පමණ නැගෙනහිර දෙසට වන්නට ජාවා දූපතේ පිහිටා ඇති බැලොන්ගන් තෙල් පිරිපහදුව හෙක්ටයාර 340ක වපසරියක පිහිටා ඇති අතර ඉන් දිනකට තෙල් බැරල් 125,000ක් සකසනු ලබයි.

ගින්නට හේතුව මෙතෙක් අනාවරණය වී නොමැත.