පාර්ලිමේන්තු මන්ත්‍රී නාමල් රාජපක්ෂ මහතා සමඟ හෙලෝ කෝප් සමාගමේ විත්තිකාරියක ලෙස නම් කොට සිටිය දී අධිකරණය මඟ හැර විදේශ ගත වී  සිටි අත්අඩංගුවට ගනු ලැබු ඉරේෂා ද සිල්වා කොන්දේසි සහිත ඇප මත මුදා හැරීමට කොළඹ මහාධිකරණ විනිසුරු පියසේන රණසිංහ මහතා නියම කළේය.

විත්තිකාරියට ඇප දිම සම්බන්ධයෙන් නිතිපතිවරයා විරුද්ධත්වයක් නොදැක්වීම හේතුවෙන් රුපියල් ලක්ෂ පහක මුදල් සහ ලක්ෂ 50 ක් වටිනා ශරීර ඇප මත මුදා හැරිමට නියෝග කළේය.
නඩුව විභාගය පෙබරවාරි 16 වැනි දා පැවැත්වීමට නියමිතය.

අයථා ලෙස උපයාගත් රුපියල් මිලියන තිහක මුදලක් ගවර්ස් කෝපරේට් සමාගම ඔස්සේ විශුද්ධිකරණය කළ බව කියන මෙම සිද්ධිය සම්බන්ධයෙන් පාර්ලිමේන්තු මන්ත්‍රී නාමල් රාජපක්ෂ මහතාද විත්ති කරුවෙකු ලෙස නම් කොට ඇති අතර ඔනෙල්ලා ද සමඟ නඩුවේ විත්ති කරුවන් තිදෙනෙකු රටින් පලා ගොස් ඇති බව මින් පෙර අධිකරණයේ දී ප්‍රකාශ විණි.

ඔනෙල්ලා මෙසේ අත්අඩංගුවට පත්වත්වූයේ අද පෙරවරැවේ  විදේශයක සිට ශ්‍රී ලංකාවට පැමිණි අවස්ථාවේ දීය.