ඊයේ (14) දින ධවල මන්දිරයේදී විශේෂ ප්‍රකාශයක් කරමින් අමෙරිකානු ජනාධිපති ජෝ බයිඩ්න් පවසා සිටියේ අමෙරිකාවේ දීර්ඝතම යුද්ධය අවසන් කිරීමට කාලය එළැඹ ඇති බවයි.

ඒ අනුව, මෙයට විසි වසරකට පෙර 2001 සැප්තැම්බර 11 වන දින ඇෆ්ගනිස්ථානයට පැමිණි අමෙරිකානු හමුදා ඛණ්ඩ ඉවත් කර ගැනීම මැයි 01 වැනිදා සිට ආරම්භ කිරීමට නියමිත අතර මෙම වසරේ සැප්තැම්බර් 11 දින වන විට ඇෆ්ගනිස්ථානයේ සේවයේ නිරතව සිටින 2,500 කට අධික අමෙරිකානු හමුදා ඛණ්ඩ සියල්ල ඉවත් කර ගැනේ.

මේ අතර ඇෆ්ගනිස්ථාන ජනාධිපතිවරයා අමෙරිකානු ජනාධිපතිවරයා හා දුරකතනයෙන් මේ පිළිබඳව සාකච්ඡා කර තිබෙන අතර එක්සත් ජනපද තීරණයට ගරු කරන අතර සුමට සංක්‍රාන්තියක් සහතික කිරීම සඳහා එක්සත් ජනපදය සමග කටයුතු කරන බවට ඇෆ්ගනිස්ථාන ජනාධිපතිවරයා එහිදී සඳහන් කර තිබේ.