WhatsApp ගිණුම් මිලියන දෙකක් අවහිර කිරීමට පසුගිය මැයි සහ ජුනි මාසවල පියවර ගත් බව WhatsApp බලධාරීන් පවසනවා.

එසේ අවහිර කර ඇත්තේ ඉන්දීය පරිශීලකයින් විසින් භාවිත කළ ගිණුම් බවයි වාර්තා වන්නේ.

එසේ ගිණුම් අත්හිටුවනු ලැබූ පරිශීලකයින් සීමාවන් ඉක්මවා පණිවුඩ නැවත නැවතත් අන් අයට යැවීම හේතුවෙන් එම තීරණය ගෙන ඇති බවයි එම සමාගම පැවසුවේ.

එසේ නැවත නැවතත් යවා ඇති බොහෝ පණිවුඩ හානිකර හෝ අනවශ්‍ය ලෙස වර්ගකර තිබුණා.

ඉන්දියාව විසින් මෑතකදී ගෙන ආ තොරතුරු තාක්ෂණ නීතීන්ට අනුව ඉදිරිපත් කර ඇති “අනුකූලතා” වාර්තාවේ ඒ බව සඳහන් වනවා.

WhatsApp පණිවුඩ හුවමාරු සේවය සතු විශාලම පරිශීලකයින් සංඛ්‍යව වාර්තා වන්නේ ඉන්දියාව වන අතර එය මිලියන 400ක්.

WhatsApp පණිවුඩ හුවමාරු සේවය ෆේස්බුක් සමාගම සතුයි.